MANDAUE CITY-Nipagawas ang Land Transportation Office sa Central Visayas (LTO-7) og show cause order batok sa duha ka mga drayber nga makitang “recklessly driving” sa usa ka video nga nag-viral.
Sa video nga nakuha sa netizen niadtong Oktubre 31, makita ang usa ka pribadong sakyanan ug usa ka trak nga naglumba ug paggawas sa ilang gitakdang mga lane samtang nag-agi sila sa national highway sa Barangay Basak, Mandaue City, nga nakahatag og alarma sa pipila sa mga motorista sa maong dapit.
Nailhan na ang duha ka mga drayber ug gipatawag sila sa Operations Division sa Land Transportation Office sa Central Visayas (LTO-7) alas 10 sa buntag karung Miyerkules, Nobiyembre 8.
Gimandoan usab sila nga mosumiter og ‘written explanation’ kon nganong dili sila angayng pasakaan og kaso nga administratibo ug nganong dili angay suspensuhon ang ilang mga lisensya, sumala sa show cause order nga gipirmahan ni Aden Belza, ang acting chief sa operations division sa LTO-7.
Kung mapakyas ang mga hingtungdan sa pagtubag sa summon ug pagsumite sa usa ka ‘written explanation’, ang LTO-7 niingon nga kini isipon nga waiver sa ilang katungod nga madungog ug makasupak sa mga alegasyon batok kanila.
Ang LTO’-7 mopadayon sa pagresolba sa isyu sa ‘hand decide’ kon unsa nga mga silot ang ipahamtang batok kanila.
