Duha ka langyaw nga nalambigit sa money laundering ug fraud, nasikop sa BI

Nasikop sa mga personnel sa Bureau of Immigration ang duha ka langyaw nga giingong nalambigit sa money laundering ug fraud.

Unang nasikop ang usa ka Chinese national nga giingong nalambigit sa illegal POGO operations sa nasod.

Giila kini nga si Wang Zhouyu, 35-anyos ug gidakop sa Roberts St. Pasay City sa pugante nga search unit sa BI.

Matod sa ahensya, si Zhouyu makonsiderar nga ‘undesirable alien’ human ang BI gipahibalo sa mga awtoridad sa China nga nag-atubang kini og standing warrant of arrest.

Samtang, gidakop sa BI ang usa ka South Korean national nga nag-atubang og kasong fraud sa iyang nasud.

Giila kini nga si Na Ikhyeon, 28-anyos.

Magpabilin ang duha sa holding facility sa ahensya samtang giproseso ang ilang deportasyon.