Duha ka tracker team gi-umol sa CCPO alang sa imbestigasyon sa sunod-sunod nga pagpanulis sa mga taxi driver

CEBU – Nag-umol ug duha ka tracker team gikan sa Cebu City Police Office (CCPO) arun sa pagpalawom sa imbestigasyon sa pipila ka mga insidente sa pagpanulis sa mga taxi drivers sa nakalabay nga adlaw.

Gibutyag ni Police Major Maria Theresa Macatanagay, ang tigpamaba sa CCPO nga wala nila gibaliwala ang maong mga insidente ug gisiguro nga ilahang imbestigaran ang maong mga insidente.

Kahinumdoman nga niadtong Abril 12, usa ka taxi driver ang gitulis ug giputlan sa iyahang dila sa usa ka dapit sa lungsod sa San Fernando, diin matud pa, misakay ang mga suspek sa taxi sa Barangay Banawa, dakbayan sa Sugbo.

Samtang, Abril 14, laing taxi driver usab ang gitulis ug gidunggab sa may Nivel Hills, Barangay Lahug, dakbayan sa Sugbo.