Gipa-alerto sa Department of Environment and National Resources – Mines and Geosciences Bureau (DENR-MGB) ang liboan ka mga barangay nga posibleng makasinati og sunod-sunod nga pagdahili sa yuta o landslide karong semanaha.
Kini gibasi sa pinakabag-o nga 72-oras nga rainfall forecast sa state weather bureau, gamit ang Global Spectral Model (GSM) ug Weather Research and Forecasting (WRF) rainfall threshold.
Ang nahisgutang mga barangay naapektuhan sa sunod-sunod nga ulan nga gilaumang ipahinabo sa Bagyong Kiyapo nga nagpalig-on usab sa hanging amihan.
Region1: 1,142
Region2: 579
CAR: 524
Region 4A: 19
Region 4B: 145
Region 6: 223
Region 9: 70
Region 13: 8
BARMM: 181
NIR: 88
NCR: 1,359
Region 7: 861
Region 10: 857
Region 11: 269
Region 12: 622
Busa, giawhag ang mga residente sa nahisgutang mga lugar nga magpabiling alerto ug andam. Ang gidaghanon mahimong modaghan samtang magpadayon ang mga ulan nga gipahinabo sa bagyo ug sa hanging amihan.
