CEBU CITY-Gipaambit ni Police Colonel Antoinette Cañete, acting city director sa Cebu City Police Office nga sa dili pa ang adlaw sa Pasigarbo sa Sugbo 2024 nga ipahigayon sa Cebu City Sports Center (CCSC), kay anaa na sa 90% ang pagpangandam sa kapulisan alang sa seguridad.
Diin moabot sa 51 ka mga partisipante sa Pasigarbo sa Sugbo ang magtapok sa CCSC karong Domingo, Agosto 25, alang sa tinuig nga kapistahan.
Sa dili pa ang ritual showdown, ang mga delegado mosayaw sa kadalanan paingon sa venue alas 2:00 sa hapon.
Aron masiguro nga hapsay ang kalihokan, ang mga opisyal sa pagpatuman sa balaod dugay nang naghimo og usa ka komprehensibo nga plano sa seguridad.
Ingon man nga gibutyag n CCPO Deputy Director for Operations, Police Lieutenant Colonel Janette Rafter nga kapin sa 1,400 ka mga pulis ang ipakatap sa kadalanan ug sa venue karong Domingo.
