PROVINCE OF CEBU- Mitanyag og reward sa balor nga P300,000 si Dumajug Municipal Mayor Guntrano “Gungun” Gica sa mikinsa ang makatudlo sa tulo (3) ka mga indibidwal nga nagsuyop sa ginadiling droga samtang nag-video call nga naghukasay.
Matod pa sa mayor atol sa post niini sa Facebook niadtong Dominggo, Agosto 3 nga ang maong mga indibidwal kay nalambigit sa illegal drug distribution ug uban pang krimen sa habagatang Sugbo.
Gani naghatag pa kini og deadline para sa mga suspetsado nga mu-surrender nga giilang si Canorio Antiga taga Cantolaroy, Sibonga; ug mga kaubananan nga silang Flordeliz Padayao Salazar ug Maria Cecelia Lopez Padayao nga puros taga Barangay Tubod-Dugoan, Dumanjug.
Sumala sa mayor nga si Antiga ug kaubanan niini kay wanted sa kasong murder, arson, ug robbery diin suspek sa pagsunog sa balay sa barangay secretary sa Tubod-Dugoan nga gikamatay sa biktima.
Dugang pa nga kanhi pinirisho nga si Antiga sa kasong murder apan padayong nagpadagan sa kalihokan sa ginadiling druga sulod sa prisohan hangtod nakagawas niadtong 2024.
Adunay hangtod sa hinapos karong semanahuna ang mga suspek sa pag-surrender sa kapulisan sa maong lungsod diin ihatag ang reward money sa mikinsa ang makatudlo kung asa karon ang mga suspetsado.
