Nagpabiling positibo ang mga economic managers bahin sa lig-on nga relasyon sa Pilipinas sa mga kauban niini sa pamatigayon sama sa Estados Unidos.
Atol sa binuwan nga economic meeting nga gipangulohan ni Finance Secretary Ralph Recto, ilang gituki ang posibleng engagements sa mga investors karong tuiga.
Gihisgotan usab sa mga economic managers kon sa unsang paagi mas magamit sa Pilipinas ang Corporate Recovery and Tax Incentives for Enterprises to Maximize Opportunities for Reinvigorating the Economy o CREATE MORE Act aron mapalambo ang ekonomiya.
Nagtuo ang economic team nga sa implementasyon sa CREATE More Act, mobubo ang mga investors tungod kay mahimong globally competitive ang nasud.
Apil sa maong tigom mao sila si OSAPIEA Secretary Frederick D. Go, DBM Secretary Amenah F. Pangandaman, NEDA Secretary Arsenio M. Balisacan, DTI Secretary Ma. Cristina A. Roque, ug ubang mga representante sa nagkalain-laing ahensya sa gobyerno.
