Masaligon ang mga economic managers sa administrasyong Marcos nga makabangon ang ekonomiya sa Pilipinas ning 2025.
Sa usa ka pamahayag, si Department of Finance (DOF) Secretary Ralph Recto miingon nga bisan og ang pag-uswag sa ekonomiya sa 2024 ubos sa target sa gobyerno, ang Pilipinas padayong mitumaw isip usa sa labing paspas nga pagtubo sa ekonomiya sa ASEAN ug sa kalibutan.
Kini, bisan pa sa external ug internal nga mga hagit sama sa grabeng mga kalamidad o bagyo nga miigo sa nasud, geopolitical tension, ug mipaubos sa global demand.
Sumala sa DOF, ang ekonomiya sa Pilipinas nagpabiling lig-on nga gross domestic product (GDP) nga pagtubo sa 5.6% sa 2024, ug ang ikaduha nga labing paspas nga pagtubo sa ASEAN bisan pa sa daghang mga hagit.
Gidugang pa niini nga sa miaging tuig, ang mga serbisyo ug industriya mao ang nag-unang kontribusyon sa pag-uswag sa ekonomiya, nga milambo ngadto sa 6.7% ug 5.6%.
Busa, Nakita nila nga karong tuiga mas molig-on pa ang ekonomiya sa nasud pinaagi sa ubos nga inflation ug mas taas nga konsumo ug investments.
