Giaprobahan sa Economy and Development Council (ED Council) sa Department of Economy, Planning, and Development (DEPDev) niadtong Biyernes, Enero 9 ang kapin P105.7-bilyones nga gi-alokar nga public-private partnership para sa school infrastructure project phase III (PSIP III).
Sumala mismo ni Presidente Ferdinand “Bongbong” Marcos Jr., kinsa maoy chairman sa ED Council nga agn pag-aprobar sa pundo nagtinguha sa pagpadali sa inclusive growth ug investments sa human capital.
Giasoy niini nga sa PSIP III nga ubos sa superbisyon sa Department of Education (DepEd) kay aduna kiniy tinguha nga makatukdo og kapin 16,459 ka mga bag-ong classroom sa 1,095 ka mga tunghaan sa Luzon gikan Marso 2027 hangtod Marso 2028 nga makabenipisyo sa dili muubos 800,000 ka mga tumutungha kada tuig.
Ubos sa programa, ang solicited PPP modality ug ang Build-Lease-and-Transfer contractual arrangement kay gipahimutang aron sulbaton ang kalangan nga nasinati sa naandang procurement process.
Nagtinguha kini sa pag-abag sa DepEd sa sugyot niini magtukdo og 25,000 ka mga classroom sa budget karong 2026.
