Gipasigarbo sa Malacañang nga ang ekonomiya sa nasud anaa sa husto nga dalan, tungod kay nagpabilin kini nga madasigon ug positibo ubos sa administrasyon ni Presidente Ferdinand Marcos Jr.
Matud ni Palace Press Officer USec. Claire Castro nga ang gipatuman nga mga reporma sa ekonomiya sa administrasyon dako usab og natabang.
Kini gibasi sa report sa economic team ngadto sa Presidente atol sa ika-7 nga Economy and Development Council Meeting nga gihimo sa Malacañang.
Mapasigarbuhong gitaho ni Castro nga ang unemployment rate mikunhod gikan sa 10.3% sa 2020 ngadto sa 4.7% sa 2025, samtang ang underemployment rate mikunhod usab gikan sa 16.2% ngadto sa 13.6% sa miaging tuig, usa ka timaan sa pagtaas sa mas angay ug disente nga mga trabaho alang sa mga Pilipino.
Gipasiugda sa opisyal sa Palasyo nga ang mga numero nagpakita usab nga ang mga programa sa gobyerno epektibo sa pagmugna og mga trabaho ug pagpakunhod sa kakabus.
Basi sa datos, ang gidaghanon sa mga kabus nga tawo mikunhod usab og 2.4 milyon nga mga tawo gikan sa 2021 hangtod 2023, samtang ang inflation rate sa nasud nagpabilin nga madumala.
Matod niya nga ang direktiba sa Presidente ngadto sa mga hingtungdang ahensya sa gobyerno aron sulbaron ang mga isyu sa pagkontrol sa baha, pagbag-o sa klima, ug uban pang mga hagit sa gawas, uban sa mas maayong paggamit sa pondo sa publiko ug gipalig-on nga relasyon sa ekonomiya sa ASEAN, estrikto gihapon.
