Dili mopatawag ug dili mo-isyu og subpoena ngadto kang Ako Bicol party-list Rep. Elizaldy Co ang Senate Blue Ribbon Committee bisan pa sa mga bug-at nga alegasyon nga gipadayag batok kaniya kalabot sa giingong kurapsyon sa mga flood control projects.
Matod ni Senate President Pro Tempore Ping Lacson, ilang gisunod ang inter-parliamentary courtesy busa dili sila direktang mag-imbitar sa maong kongresista.
Hinuon, si Co gikatahong moboluntaryo sa pagtambong aron pagtubag sa mga akusasyon batok kaniya.
Abli ra usab ang komitiba sa kaandam ni Co nga moatubang sa husay aron matubag ang mga giingong pasangil ni kanhi District Engineer Henry Alcantara ug kanhi Assistant District Engineer Brice Hernandez.
Samtang matod ni Senador Erwin Tulfo, ang pagtambong ni Co sa imbestigasyon kalabot sa giingong kurapsyon sa mga flood control projects nga gilangkoban sa iyaha.
