CEBU CITY– Hingpit na nga gipatuman ang enhanced quarantine community (ECQ) sa entiro lalawigan sa Sugbo kaganinang alas 12:01 sa tungang gabii kansang gipatuman ni Cebu Provincial Governor Gwendolyn Garcia.
Kini nagpasabot nga tanang tao nga wala nalakip sa ‘exemptions‘ ang kinahanglan na gyud nga magpuyo sa ilang panimalay ug wala na usab tugutan nga mga public utility vehicle.
Subli usab nga gipasabot ni Garcia ang mga wala nalakip niining ‘stay at home mandate‘–Kini mao ang mga nagserbisyo sa hospital, naa sa natad sa medical services ang trabaho, trabahante sa Red Cross , core staff sa DOH ug WHO, imam, pastor, kapari-an, care givers, emergency responders sama sa (BFP, ERUF, Disater risk reduction teams, MSWD/DSWD, security services, AFP, PNP, coastguard, Cebu Ports Authorities, LTFRB, Bureau of Quarantine ug secuirty unit personnel etc.)
Lakip usab niini ang mga nagtrabaho sa financial services, bangko, money transfer, atm ug cable service provider, tanod, daycare workers, bantay dagat,vendors sa public markets, port workers, pharmacy personnel, staff ug crew sa fastfood, personnel sa mga nanghimo og pagkaon ug mga hygiene products, ingon man hardwares ug mga manufacture sa textile ilabina ang “taffeta” nga tela nga gamit sa pagama karon og Personel Protective Equipment (PPE) alang sa mga frontliners.
Apan gitino sa gobernadora nga kining mga exemptions ang sa matag munisipyo lamang sa probinsya ug walay labot niini ang pagsulod ug pagbiya sa borders.
Hinungdan usab nga gi-awhag sa gobernadora nga mukoopera ang tanan.
