CEBU CITY — Gihatagan ug katin-awan ni Cebu City Administrator Atty. Floro Casas ang gikalibgan nga bahin sa Executive Order ni Cebu City Mayor Edgardo Labella kalabot sa pagbalik ug paghugot sa mga border control sa dakbayan.
Matod ni Atty. Casas nga ang EO 105 Series of 2020 nga ‘intended’ ang maong EO nga giluwatan sa Mayor sa tanang mga tawo nga buot mo-travel sa Cebu nga gikan sa mga lugar nga dili sakop sa Cebu Island.
Pagpaklaro sa opisyal nga dili sakop sa maong order ang gikan sa sulod sa jurisdicton sa Probinsiya.
Subay niini, gitataw ni Casas nga wala usa’y problema sa implementasyon sa maong bala-od diin na-pahibawo na usab matod pa niini ang otoridad nga mao ang gitahasan sa pagbantay sa mga borders.
Samtang niluwat na usab ug laing EO ang lokal nga pangagamhanan aron sa pagklaro sa nalatid sa EO No. 105.
Sa gipagawas nga EO No. 105-A ni Mayor Labella, gibutyag niini ang guidelines nga nakalatid diin mo-apply lang kini sa mga gustong mo-biyahe sa Cebu City nga dili taga Probinsiya sa Sugbo.
Alang sa mga dili taga Cebu, lakip sa mga requirements nga pangayu-on mao ang negative result sa RT-PCR niini pipila ka adlaw sa dili pa ang pagbiyahe, samtang sa mga taga Cebu Island, lakip sa i-presentar ang valid ID ingon man Certificate of Employment sa mga nanarbaho.
Kahinumduman nga nalibog ang ubang mga taga Cebu sa Section 2 sa EO 105 sa Mayor nga nagbutyag nga applicable ang maong pag-istrikto pa sa pagpabiyahe pasulod sa dakbayan sa tanan nga gustong mobiyahe, apan dili matod pa cover niini ang returning o repatriated Overseas Filipino Workers ingon man returning OFWs. (sbr)
