Mipaabot og lapad nga suporta ang mga leader sa Europe ngadto kang Ukraine President Volodymyr Zelensky human sa iyang pakigkita sa Presidente sa US nga si Donald Trump sa Oval Office diin mitumaw ang tension dali sa duha.
Lakip sa mga nagpahayag og suporta mao ang mga hepe sa European Union nga sila Ursula von der Leyen ug Antonio Costa, kinsa mipasalig kang Zelensky nga wala siya mag-inusara.
Sa hiniusang pahayag, gisultihan sa duha ka mga lider si Zelensky nga magmaisogon ug dili mahadlok ug mipasalig nga sila magpadayon sa pagtinabangay alang sa usa ka makatarunganon ug malungtarong kalinaw.
Gipasiugda ni French President Emmanuel Macron nga ang Russia ang aggressor sa gubat sa Ukraine ug ang Ukraine ang naagrabyado.
Gisaad usab niya ang tabang sa Ukraine ug mga silot batok sa Russia sulod sa 3 ka tuig ug giingon nga ipadayon nila kini.
Giingon usab ni Macron nga kung adunay nagsugal sa World War III, kini ang Presidente sa Russia nga si Vladimir Putin.
Ang outgoing German chancellor Olaf Scholz nagpahayag usab og suporta alang sa Ukraine, sama sa ubang mga lider sa kalibutan gikan sa Netherlands, Poland, Spain, United Kingdom, Canada, Denmark ug Sweden.
Sa kilid sa Russia, nga naglunsad og usa ka bug-os nga pagsulong sa Ukraine, ang deputy chairman sa Russian Security Council nga si Dmitry Medvedev miingon nga sa unang higayon, gisultihan ni Trump ang kamatuoran mahitungod kang Zelensky, nga iyang gitawag nga “cocaine clown.”
Samtang, ang Punong Ministro sa Italya nga si Giorgia Meloni nanawagan sa US, Europe ug sa ilang mga kaalyado nga maghimo usa ka Summit nga wala’y paglangan aron hisgutan ang gubat sa Ukraine.
