PROVINCE OF CEBU-Malampusong ang gipahigayon nga hiniusang buy-bust operation sa Dauis Municipal Police Station ug Municipal Drug Enforcement Team sa pagsikop sa usa ka ex-convict drug trafficker sa Purok 5, Barangay Mayacabac, lungsod sa Dauis, probinsya sa Bohol.
Giila ang suspek nga si Guardson Abila Binarao, nga taga San Isidro District, Tagbilaran City, Bohol.
Nakuha sa suspek ang usa ka butang nga gibana-banang motimbang og 2.15 kilos nga mobalor og P14,620,000.
Nasayran usab nga kapin sa duha ka semana nga gipanid-an ang suspek human kini makadawat og impormasyon bahin sa ilegal nga kalihokan.
Sa pagkakaron, giandam na sa Dauis MPS police office ang katugbang nga kaso batok sa suspek ug gisusi usab kung kinsa ang nagsuplay kaniya og ilegal nga drugas.
