CEBU CITY- Gibutyag ni Atty. Neri Colmenares, nga lig-on ang depensa og ang mga ebedensiya batok sa umaabot nga Impeachment trial ni Vice President Sara Duterte, hilabi na sa hisgutanan sa Confidential funds.
Kini ang gibutyag ni Colmenares sa pagpakighinabi sa Bombo Radyo Cebu Newsteam, nga lig-on ang ebidensiya sa House prosecution panel, kung ugaling mag-convene na ang Senado isip usa ka Impeachment Court.
Sigon niini, ang confidential funds ang usa sa mga dakong hisgutanan sa Impeachment ni Duterte, gumikan kay hangtod karon wala pa gihapon kini napasabot sa publiko kung giunsa paggasto ang P612 Million lakip na ang 125 Million nga matud pa gigasto sa 11 ka adlaw.
Lakip sa mga reklamo nga adunay lig-on nga ebidensiya mao ang iyang mga pagpanghulga batok sa Presidente Marcos ug sa first Family.
Gigimug-atan usab ni Colmenares, nga kinahanglang susihon sa mga umaabot nga mga senator judges sa Impeachment court ang mga ebidensiya batok kang VP Duterte, og dili mamahimong maapektohan ang proseso gumikan lamang sa posibleng laing hugna sa kudeta sa Senado nga mohulip kang Senate President Allan Peter Cayetano.
Dugang niini nga unta dili magdesisyon ang mga senator judges base lamang sa ilang baruganan sa politika, Inay magbase sa mga ebidensiya Dungan sa panghinaot nga dili nila babagan ang pagconvene sa Impeachment Court.
Sa pikas bahin, nanghinaot usab si Atty. Colmenares nga taliwala nga usa siya sa mipasaka og reklamo, siya nanghinaot nga patas og hatagan sa iyang katungod si VP Sara Duterte, gumikan kay kini nagpasabut nga sa utlanan sa politika.
