CEBU PROVINCE-Mipasar og ordinansahon si Cebu 6th district Board Member Glenn Soco nga magpenalize sa mga drayber nga dili makakuha sa ilang sakyanan sa kadalanan sa panahon nga kini makasugat og minor accidents.
Ang maong ordinansahon nga gitawag og ‘fender benders ordinance of 2019’ ang nagsaysay nga kung ang usa ka drayber maka-encounter og aksidente sa kadalanan kinahanglan nga ma-settle kini diha-diha dayon o makuha ang iyang sakyanan sa karsada sulod sa 5 ka minutos.
Aron sa pagback-up sa mamahimo unya nga police reports kalabot sa insidente, kinahanglan nga makakuha og hulagway o video ang drayber sa nahitabo.
Tumong matud pa niining maong ordinansahon nga magaan ang traffic sanglit usa sa mga hinungdan sa kabaga sa traffic mao ang pagkatanggog kung dunay road accidents.
Hinoon, gitataw ni Soco nga kini alang lamang sa mga minor accidents ug walay labot ang mga dagkong disgrasya ug kung dunay maangol o mamatay.
Ang mamahimong penalty sa mga makalapas sa unang higayon makabayad og 1,000 pesos, 2,000 pesos sa ikaduhang higayon ug 3,000 pesos sa ikatulong higayon. |Via Bombo Eric Amaro
