Hingpit nang nadakpan sa Estados Unidos ang Filipino-American nurse practitioner gikan sa Tuguegarao City nga residente sa Las Vegas, Nevada nga si Marizel Yukee.
May kalabutan kini sa giingong $906 milyon kon bugti sa P51.6 bilyones nga healthcare fraud scheme batok sa Medicare ug TRICARE sa U.S., diin ang iyang pagkasikop human siya na-isyuhan og federal indictment sa Houston, Texas niadtong Hunyo 19, 2026 – oras sa Pilipinas.
Matud oa nga gi-akusahan sa mga Federal prosecutors si Marizel Yukee, nga mi-target sa mga tiguwang ug mga pasyenteng paingon na mamatay apil na ang anaa sa hospice care, pinaagi sa paghatag matud pa kanila og dili kinahanglanong tambal alang sa samad ug pagkolekta og bayad gikan sa mga programa sa gobyerno alang sa healthcare.
Basi sa federal indictment nga gi-file sa Houston, nasuta nga si Yukee ug iyang ka-ubanan nga mga co-conspirators, nagsubmite og kapin sa 906-milyunes dolyares kon bugti sa 51.6 bilyones pesos sa mga false claims tali niadtong October 2023 hangtud Abril ning tuiga 2026 ug nakadawat og gibana-banang 297-milyunes dolyares kon 16.9 bilyones pesos nga bayad gikan sa Medicare ug TRICARE.
Nasuta pa sa Amerika, nagpahimo si Yukee og mahalon nga balay, nagpalit og mahalong sakyanan apil na ang yate, samtang dinhi sa Pilipinas, duna usab matud pa kini mahalong white sand beach resort sa may Sta Ana, Cagayan Valley,
Nasayran ang Medicare usa k. federal health insurance program sa Estados Unidos alang sa mga senior citizens nga nag-edad og 65-anyos pataas ingon man sa mga batan-ong duna’y disabilities, ingon man mga pasyenteng duna’y end-stage kidney disease or ALS.
Samtang ang TRICARE, maghatag usab og healthcare coverage alang sa mga active-duty military personnel, mga retirees, National Guard and Reserve members, ug ilang mga dependents.
