Gipanghimakak sa Malakanyang ang taho nga si First Lady Liza Marcos na-hold sa mga awtoridad sa United States of America samtang didto siya sa Los Angeles, California.
Matod ni Palace Press Officer USec. Atty Claire Castro nga walay kamatuoran ang maong report.
Gidugang niini, nga kaniadtong Lunes Marso 10, ang Unang Ginang nibalik na sa nasud.
Si Araneta-Marcos didto sa U.S. gikan Marso 5 hangtod 8 aron motambong sa Meeting of the Minds ug sa Manila International Film Festival.
Sa usa ka mensahe sa Viber sa mga tigbalita kaniadtong Huwebes, ang Palace Press Officer nga si Claire Castro gibasura ang mga alegasyon.
“There is no truth that the First Lady was held by any law enforcers while in Los Angeles or anywhere else,” matud ni Castro.
Giluwatan ni Castro ang maong pamahayag human ang pipila ka mga Facebook posts mipasangil nga ang unang ginang ang kasamtangang gitanggong sa Los Angeles kalabot sa kamatayon sa negusyante nga si Juan Paolo Tantoco.
Si Tantoco gikataho nga namatay niadtong Marso 9, 2025 sa US, nga wala pa matino ang hinungdan niini.
Base sa iyang pinakaulahi nga post sa Facebook, ang unang ginang didto na sa Pilipinas niadtong Marso 11, kung diin gi-turn over niya ang usa ka tseke isip donasyon sa Girl Scouts of the Philippines sa iyang opisina sa Manila.
