Gitanyagan og mahinungdanon pahinomdom ang kanhi Presidente sa Pilipinas nga si Ramon Magsaysay pamaagi sa Wreath Laying Ceremony nga gipahigayon sa Plaza Independencia ning Dakbayan sa Sugbo karong adlawa, Marso 17.
Sa maong Wreath Laying Ceremony sa Ramon Magsaysay Memorial Day, anaa ang presensya sa iyahang apo nga si Jaime Magsaysay, ug pipila ka mga opisyales sa Dakbayan sa Sugbo.
Matod pa, ang maong seremonya nagtumong sa paghandom sa mga talagsaong nabuhat ug panolondon sa kanhi presidente, kinsa nailhan sa kadaghanan sa iyang kompyana batok korapsyon ug ingun man sa pagpalig-on sa serbisyong publiko.
Samtang, gipasiugda usab ni Cebu City Mayor Nestor Archival ang pagpasidungog sa mahinungdanong liderato sa kanhi presidente, kinsa mao ang ugat nganung duol kini sa kasing-kasing sa matag katawhan.
Gidugang sa mayor nga ang maong prinsipyo sa kanhi presidente mao ang angay panaminan ug sulondon.
Sa pikas bahin, mapasalamaton usab si Jaime Magsaysay, apo sa kanhi presidente, tungod sa mainitong pagdawat sa mga Sugboanon, ingun man sa walay hunong nga pagpasidungog sa kontribusyon sa iyahang apohan sa nasud nga Pilipinas.
