Hugot nga gisupak sa Gabriela Cebu, Gabriela Womens Party ang bastos og ang panamastamas nga pamahayag ni Quezon City 4th District Rep. Bong Suntay, atol sa gipahigayong confirmation of substance sa impeachment complaints batok ni Vice President Sara Duterte, sa House of Representatives niadtong March 3, 2026.
Matud ni Cleisteil Cimafranca ang tigpamaba sa Gabriela Cebu, nga hugot ang pasupak sa organisasyon sa pamahayag ni Rep. Suntay ngadto sa aktress nga si Anne Curtis hilabi na nga usa kini ka opisyal sa pampublikong opisina.
Sigon ni Cimafranca, gikasagmuyo sa grupo ang tahasang pagbastos niini sa usa ka public figure hilabi na nga nag-obserbar karon ang kadaghanan sa “National Womens Month” nga naghatag og pasidungog sa tanan nga kababayen-an og ang tahas nga gidala niini sa kalibutan.
Dugang niini, nga gikabalak-an sa grupo ang mga pamahayag nga gibuhian ni Suntay gumikan kay mamahimo kining makapasamot sa sitwasyon ingun man makapagamay sa espasyo alang sa mga kakabayen-an kung diin luwas og adunay kausaban sa komunidad.
Gihimug-atan sa grupo sa Gabriela Cebu, nga dili makatarungan ang maong pamahayag alang sa mga kababayen-an gumikan kay daw susamag gi-tolerate niini ang padayung kalisod hilabi na sa pagpangabuso og mga hagit nga giatubang sa mga babaye.
Dugang ni Cimafranca, nga kinahanglan gayud nga manubag kini sa iyang pagpanamasmatas nga pamahayag gumikan kay daw sa waka kini kabati og pagmahay sa iyang nabuhat sa dihang gihinabi kini sa mga tigbalita.
Sigon niini, nga suportahan gayud sa grupo kon mapatawag si Rep. Suntay sa Ethics Committee sa House Representatives, hilabi na karon nga adunay mga balaod nga nagdili sa mga ingun-ining lakang sama sa; “Safe spaces Act og Bawal Bastos Law” aron magsilbi kini nga leksyon sa mga susamang indibidwal o opisyal nga adunay susamang panghuna-huna batok sa mga kababayen-an.
