Cebu City-Gi-eksplikar ni Dr. Rene Josef Bullecer, usa ka eksperto nga nipadayag sa iyahang siyentipikanhong panlantaw sa kaso sa Dengue.
Kahinumduman, nga nagpagawas og pahayag ang DOH nga labaw sa 3,700 nga kaso sa dengue ang natala sa Central Visayas ug anaay 15 ka mga indibidwal ang namatay sulod sa unom ka bulan.
Sa pakighinabi ni Bombo Jun ngadto kang Dr. Bullecer kabahin sa pagsaka sa kaso sa dengue niingon kini nga ang usa sa mga rason mao ang pagsunod nga pag-ulan hinungdan nga makaresulta sa pagbaha apan, dili kini ang nakahatag og dako nga tampo sa pagsaka sa mao ng kaso.
Gitino ni Bullecer, nga ang mga pat-ak nga pag-ulan makamugna og pagtipun-og sa mga posibleng masudlan sa tubig ulan ug mamahimong puluy-anan sa mga lamok.
Kusganon nga nipadayag si Bullecer sa iyahang panahom nga ang labaw nga nakahatag og hinungdan sa pagsaka sa kaso sa mga ‘dengue’ tungod kini sa pagkuwang sa paghatag og tagad gikan sa mga kabanay.
