Andam na ang beauty queen nga si Gazini Ganados nga moapil sa labing unang Miss Grand International All Stars pageant human opisyal nga miabot sa Bangkok, Thailand.
Sa iyang unang adlaw sa pageant festivities, migawas si Gazini nga nagsul-ob og phoenix-inspired nga ensemble nga gihimo sa Pilipinong designer nga si Patrick Isorena.
Nahimong mas sikat ang ngalan ni Gazini human siya nalakip sa Top 5 sa unang Hot Picks list sa Missosology para sa Miss Grand International All Stars competition.
Samtang, ang Filipina trans queen nga si Fuschia Ravena nakaabot sa Top 20 sa ika-11 nga pwesto.
Si Gazini ug Fuschia lakip sa 59 ka mga kandidato nga moapil sa labing unang All-Star Edition sa maong international pageant. Mouban usab kanila ang mga kaubang Pilipina nga sila si Imelda Schweighart, Keylyn Trajano, ug Alexia Nunez.
Ang kompetisyon bukas para sa tanang babaye ug trans women nga nag-edad og 20 hangtod 40 anyos nga nakaapil na sa bisan unsang international pageant.
