Masaligon ang bag-ong Gilas asst coach nga si Sean Chambers nga ang Pilipinas adunay kahigayonan nga makasulod sa Paris Olympics.
Matod ni Chambers, nga ang Gilas adunay ‘legitimate chance’ nga magmalampuson sa FIBA Olympic Qualifying Tournament nga gikatakdang ipahigayon sa Riga, Latvia, gikan sa Hulyo 2 hangtod sa 7, 2024.
Dugang niini nga ang team nitan-aw na sa mga duwa sa Latvia ug Georgia ug ang Gilas nasayod kon unsa’y angay nga andamon.
Masaligon ang batikang coach nga makahatag og maayong duwa ang team batok sa dagkong mga team.
Giingong nalipay usab siya nga makita ang maayong duwa nila ni Kai Sotto, June Mar Fajardo, Dwight Ramos ug Justin Brownlee nga susamang seasoned sa international competition.
Ang Gilas gikatakdang makigsangka sa lig-ong basketball teams nga naglakip sa Latvia nga ranking No.6 sa kalibutan ug Georgia nga ranking No. 23 ubos sa grupo A.
Samtang ang top-2 nga bracket kinahanglang makigsangka usab sa top-2 sa bracket B nga naglangkob sa Brazil, Montenegro ug Cameroon.
