CEBU CITY-Mag-atubang og kasong administratiba ug kriminal ang usa ka magtutudlo sa pampublikong tunghaan sa dakbayan sa Sugbo human gireklamo sa iyang mga tinun-an tungod sa giingong pagpaak sa iyang duha ka estudyanteng lalaki.
Kung kahinumduman nga nag-viral online ang usa ka video sa usa ka magtutudlo nga nangugat sa kalagot atubangan sa iyang mga estudyante.
Nasayran nga nasuko kini human misumbong ang mga tinun-an kabahin sa nakita nila nga lakra sa pinaakan sa ilang duha ka lalaki nga classmate.
Tungod niini, gipatawag ni kapitan Dave Tumulak ang duha ka partido aron imbestigahan ug paminawon ang isig habig.
Apan, ang nasangpit nga alegasyon dunay lig-on nga mga dokumento nga nahimong ebidensya sa naasoy nga pagpaak.
Gisaysay ni Barangay Kapitan Dave Tumulak nga ang unang biktima kay giduol sa maestra ug kalit nga gipaak sa bukton.
Samtang ang ikaduhang biktima nga gimandoan nga huboan ang iyang sinina arun tan-awon niini ang abs sa bata.
Gani, mibahad kini nga hagbungon kon gani dili kini motuman sa magtutudlo.
