Gi-ronda sa mga sakop kapulisan sa Police Regional Office (PRO-7), inabagan sa Philippine Drug Enforcement Agency (PDEA-7), ug Cebu City Police Office (CCPO) ang gituohang ‘shabu laboratory’ nga nag operate sa usa ka apartment complex sa Brgy. Zapatera, Cebu City, Lunes sa hapon, Hunyo 30, 2025.
Giluwatan ang maong pagpang-rondaog search warrant gikan sa korte, diin, basi sa inisyal nga impormasyon ug imbestigasyon, gikataho nga ang mao nga “renter” sa maong abangan, gituhoang usa ka “chemical engineer” nga nag-suplay og drugas sama sa “shabu” ug “ecstasy” sa Western og Central Visayas, lakip na sa Zamboanga region.
Ang suspek gikatahong nitug-an sa kapolisan nga iyang sagolan og drug base subay sa hangyo sa iyang mga kliyente. Ang mga tinugyanan sa balaod nipaubos sa surveillance sa suspek sulod sa lima ka buwan, human ang iyang ngalan mao ang gitumbok nga maoy nag-suplay ilabi na sa party drugs.
Sa pikas bahin, naasoy usab sa caretaker sa maong apartment nga wala siyay kasayuran sa maong illegal nga matang sa kalihokan, kay lage daw, ang maong suspek hilomon ug natural o kaswal lang manglihok nga dili angay nga kadudahan.(Bombo Irene Ardiente)
