Gipresentar sa Armed Forces of the Philippines (AFP) ngadto kang Presidente Ferdinand Marcos Jr. ang ilang updated nga plano nga may kalabotan sa territorial defense nga “Bantay Kalayaan”.
Pinaagi sa press conference sa Camp Aguinaldo human sa command conference uban ni Presidente Marcos diin si AFP Chief of Staff Gen. Romeo Brawner Jr.mibutyag nga nalipay ang Presidente sa holistic approach sa AFP ug ingun man nga dili lang tan-awon sa gawas nga pagpangandam kon dili lakip na sa sulod sa nasud.
Lakip sa gipakita sa AFP ang pipila ka mga kapilian dili lamang sa pagpahigayon sa mga misyon sa RORE kon dili sa ubang mga misyon sa West Philippine Sea.
Tungod niini gikamaya ni Marcos ang nahimo sa AFP, partikular na sa mga lakang sa gobyerno batok sa Communist Terrorist Group ug Local Terrorist Group.
Matud pa ni Brawner nga “downtrending” na ang manpower ug armas sa walhong grupo. ug nipasalig si Gen. Brawner nga ang Armed Forces mohaom sa ilang mga paningkamot aron matuman ang ilang misyon sa panglantaw sa Presidente alang sa usa ka luwas og malinawon nga nasud.
Gipasiugda niini sa dedikasyon sa AFP,pagpalambo sa mga estratehiya ug taktika sa militar aron epektibong matubag ang internal ug eksternal nga mga hulga aron masiguro ang kaluwasan ug seguridad sa nasud ingun man ang katawhan.
