Gipahibalo na sa Department of Foreign Affairs (DFA) ang mga pasangil batok sa tulo ka mga Filipino nga gitanggong karon sa China.
Matud sa pamahayag sa DFA nga gipadala ngadto sa Presidential Communications Office (PCO), gitumbok nga ang pagpanalipod sa katungod ug kaayohan sa maong mga Pinoy kay nagpabiling nag-unang prayoridad sa gobyerno.
Sa pagkakaron, gitaho sa DFA nga ang konsulado sa Pilipinas sa Guangzhou kay nagpadayon sa paghatag sa gikinahanglang tabang, lakip na ang tukmang legal nga suporta.
Dugang sa buhatan nga gipaabot usab sa departamento ngadto sa gobyerno sa China ang hangyo sa gobyerno nga masiguro ang patas nga pagdungog sa kaso.
Ug sigurohon nga nahisubay kini sa hustong proseso ug uban ang hingpit nga pagtahod sa katungod sa tulo ka mga Filipino, basi sa balaod ug sa Philippines-China Consular Agreement.
