CEBU CITY — Mihangyo si Cebu Governor Gwendolyn Garcia sa mga tinun-an ug mga edaran nga anaa sa 65 anyos pataas nga magpuyo una sa balay.
Kini human nga miisyu ang gobernadora og executive order mahitungod niini taliwa na sa hulga sa coronavirus disease o COVID-19.
Matud ni Garcia nga exempted sa maong kamanduan ang mga indibidwal nga mo-adto sa mga health facilties o mopalit og mga tambal sa drug stores.
Maong tambag karon sa gobernadora nga ipakita lang ang ilang ID o certificate of residence sa otoridad kung adunay importanteng adtuon sa gawas.
Gimanduan na karon sa gobernador ang mga sakop sa kapulisan ug kasundaluhan nga sitahan ang kinsang makalapas sa maong kamanduan.
Dugang pa ni Garcia nga posibleng pahamtangan og penalty ang kinsang maggawas-gawas subay na sa mas striktong lakang batok sa maong kagaw. (gn)
