Nakadani og atensyon sa social media ang usa ka Gujarati folk singer human mikatap ang video nga hapit na siya malubong sa tinumpok nga kwarta.
Sa Dayro, usa ka tradisyonal nga pasundayag sa Gujarat nga naghiusa og musika, storytelling, ug humor, diin gitratar sa mga deboto sa Khambhaliya, Junagadh ang bhajan singer nga si Gopal Sadhu pinaagi sa pagpa-ulan og mga kuwarta samtang nagkanta kini.
Makita sa video nga nagpadayon siya sa pagtukar og harmonium nga walay kahadlok bisan pa nga gitabonan na siya sa daghang sako sa kwarta, ug nagpadayon gihapon siya sa iyang pasundayag.
Nagkalat ang video sa social media ug nagdala og lain-laing reaksyon gikan sa pagdayeg hangtod sa debate.
Dili kini ang unang higayon nga nahitabo kay sa miaging mga tuig, sama ni Kirtidan Gadhvi, gisabwagan usab og dakong kantidad sa kwarta ang mga bhajan nga pasundayag.
Sumala sa tradisyon, ang mga kwarta nga ihatag sa maong mga kalihokan kasagaran gigamit alang sa mga social cause o charitable purposes.
