Gipirmahan ni US President Donald Trump ang balaod nga naglatid og lapad nga mga silot batok sa Russia ug Iran, human kini gi-aprobahan sa Kongreso uban ang talagsaong suporta gikan sa duha ka dagkong Partido.
Nailhan isip “Lindsey O. Graham Sanctioning Russia and Iran Act of 2026,” diin gipunting sa balaod si Russian President Vladimir Putin, mga opisyal nga anaa sa taas nga katungdanan, ug mga oligarch, ingon man ang mga sektor sa enerhiya ug depensa sa Moscow.
Usa sa mga importanteng probisyon niini naghatag og gahom kang Trump nga magpahamtang og taripa nga moabot sa 100 porsyento ngadto sa lima ka kinadak-ang pumapalit sa lana ug gas gikan sa Russia, ilabi na ang China ug India.
Gipatuman kini nga balaod aron pugngan ang pondo sa Kremlin alang sa gubat niini sa Ukraine ug aron pugson si Putin nga makig-negosasyon ubos sa estratehiya nga “maximum pressure.”
Bisan tuod gidayeg kini ni Ukrainian President Volodymyr Zelenskyy isip usa ka gamhanang himan, nagpasidaan si House Minority Leader Hakeem Jeffries nga ang mga probisyon bahin sa taripa mahimong moresulta sa mas taas nga gasto alang sa mga pamilyang Amerikano.
