Hangyo ni Sen. Jinggoy Estrada nga makatambong sa impeachment trial, gibasura

Gibasura sa Sandiganbayan Fifth Division ang mosyon ni Senador Jinggoy Estrada nga tugotan siyang motambong sa impeachment trial ni Vice President Sara Duterte.

Sa resolusyon nga gi-isyu niadtong Hulyo 9, 2026, giingon sa korte nga ang mosyon ni Estrada “walay merito” o kulang og lig-on nga basehan.

Matod sa Sandiganbayan, bisan importante sa konstitusyon ang impeachment trial, dili kini maisip nga usa ka emergency o igo nga rason aron tugotan ang temporaryong paggawas sa prisohan.

Busa, dili tugotan si Estrada nga mobiya sa detention facility aron motuman sa iyang papel isip senator-judge sa maong husay.

Si Estrada nagpabiling napriso tungod sa kasong plunder nga may kalabotan sa giingong anomalya sa pondo alang sa flood control projects.