Posibleng moabot sa 48°C hangtod 50°C ang heat index sa pipila ka dapit sa Pilipinas sa kataposang semana sa Abril hangtod sa unang semana sa Mayo.
Katumbas kini sa temperatura nga 39.6 hangtod sa 39.8 degrees Celsius o mas taas pa niini.
Wala usab isalikway sa ahensya ang posibilidad nga moabot sa 52 degrees Celsius ang labing taas nga heat index nga natala karong tuiga.
Apan, kung mahitabo kini, posible nga dili kini magdugay.
Basi sa talaan sa weather bureau, kasagarang nasinati ang pinakataas nga heat index sa Luzon, sama sa Ilocos Region ug Cagayan Valley Region.
Sa pagkakaron, ang pinakataas nga heat index nga nasinati sa pipila ka mga lugar kay moabot sa 40°C ngadto sa 44°C, sukad nagsugod ang init nga panahon sa miaging buwan.
Bisan pa sa sunodsunod nga taas nga heat index, ang weather bureau wala gihapon opisyal nga nagdeklarar sa pagsugod sa ting-init.//
Giklaro sa ahensya nga ang ting-init karong 2025 dili mahisama sa miaging tuig, diin nakita ang daghang mga record-breaking nga temperatura ug taas nga mga index sa init.
