CEBU – Nakahuna-ang usa ka tiggama og sinina sa Tokyo, Japan–sa pakigtambayayong sa daghang mga beterinaryo– sa paghimo og usa ka wearable fan nga panalipod sa mga iro ug mga iring batok sa nagkataas nga kainit sa panahon.
Sa usa ka taho, mapa-andar sa gamay nga battery ang fan (80-gramme o 3-ounce) ug kini gitaod sa mesh outfit ug maghatag og hangin ang lawas sa binuhi.
Matod ni Rei Uzawa, presidente sa maternity clothing maker nga Sweet Mommy, nakahuna-huna kini sa paghimo sa mini fan tungod sa iyang binuhing chihuahua nga kanunay gikapoy human makalakaw tungod sa grabeng kainit.//
Human sa ting-uwan sa Tokyo kaniadtong Hunyo, nakasinati ang kaulohan sa Japan og taas nga rekord sa init nga miabot sa 35 degrees Celsius (95 Fahrenheit) sulod sa siyam ka adlaw.
Sa sayong bahin sa Hulyo, nakadawat ang Sweet Mommy og 100 ka order alang sa mini fan ug aduna kini lima ka managlahing gidak-on ug nagkantidad og 9,900 yen o katumbas sa $74.
