Hollywood actress Angelina Jolie, gibisita ang pipila ka mga residente sa Ukraine

Gibisita ni Hollywood actress Angelina Jolie ang mga sundalo sa Ukraine.

Kung diin, nakighiabi kini sa mga medical staff, volunteers ug sibilyan sa Kherson City.

Gidayeg niya ang kaisog sa mga anaa sa Mykolaiv ug Kherson tungod kay nameligro ang ilang kinabuhi apan nagpadayon ang ilang pakigbisog.

Nagsul-ob ang aktres og flak jacket ug nakigkita sa mga bata nga gibutang sa basement tungod sa nagpadayon nga kagubot.

Kahinumduman nga niadtong 2022 unang mibisita ang aktres sa Lviv City ug nakigsulti sa mga tawo nga walay puy-anan tungod sa kagubot.