CEBU PROVINCE-Namatay tungod sa cardiac arrest si Dr. Rowena “Wee” Burden, sa edad nga 58-anyos niadtong Biyernes sa buntag, Disyembre 15, 2023.
Si Burden usa ka sosyal nga aktibista, tigpasiugda sa kababayen-an ug LGBTQ, ug usa ka nailhan nga lig-on nga kritiko ni Cebu Provincial Gov. Gwendolyn Garcia.
Gikumpirma sa iyang pag-umangkon nga si Kristian Burden ang kalit nga pagkamatay sa iyang iyaan.
Dugang pa, nga daling gidala sa usa ka pribadong tambalanan si Burden human makaangkon og grabeng kasakit sa iyang buko-buko.
Apan ang nag-atiman nga mga doktor sa ulahi nagpahayag nga patay na kini.
Kung kahinumduman nga si Burden nakakuha og mas daghang atensyon sa publiko tungod sa iyang kusog nga pagsaway batok sa gobernador, nga pagkahuman gisang-at ang kapin sa 10 ka mga kaso sa cyberlibel batok kaniya tungod sa giingong personal ug malisyoso nga pag-atake kang Garcia nga gihimo sa social media.
Si Burden nakapiyansa niadtong Disyembre 1 human giisyu sa Regional Trial Court Toledo City Branch 29 ang tulo ka warrant of arrest batok kaniya.
