Nanawagan ang International Coalition Human Rights Group in the Philippines (ICHRP) sa International Criminal Court (ICC) nga mag-isyu dayon og mga warrant of arrest batok sa mga kanhi ug kasamtangang opisyal sa gobyerno nga giila nga “co-prepatrators” sa giingong crimes against humanity nga may kalabotan sa kampanya batok sa droga ni kanhi Presidente Rodrigo Duterte.
Sa usa ka pahayag, si Peter Murphy, Chairperson sa ICHRP, miingon nga ang ginganlan nga mga opisyal kinahanglan nga husayon uban ni Duterte, kinsa karon anaa sa kustodiya sa ICC.
Kini human alang kanila klaro gihapon nga ang sistema sa hudisyal sa Pilipinas dili makahimo sa pagpasaka og kaso sa giingong mga naghimo niini, ug ang pagtugot kanila nga magpabiling gawasnon mahimong makaguba sa ebidensya, makapahadlok sa mga saksi, o makalikay pa gani sa tulubagon.
Gipasiugda usab sa grupo nga ang confirmation hearing sa Pebrero 23 magsilbi nga usa ka importante nga lakang alang sa mga biktima sa gubat batok sa droga.
Ingon man nga gidawat usab sa ICHRP ang desisyon sa ICC Pre-Trial Chamber I niadtong Enero 26 nga ibasura ang mga mosyon sa kampo ni Duterte nga dili siya angayan alang sa pagdungog, kinahanglan nga buhian, o ang hearing i-postpone, ug ang mga alegasyon nga ang proseso dili patas.
Sa dokumento nga gipagawas sa ICC niadtong Pebrero 13, ginganlan ang pipila ka giingong mga kakunsabo sa gubat batok sa droga, lakip na sila si Senador Ronald “Bato” Dela Rosa ug Christopher Lawrence “Bong” Go, kanhi Justice Secretary Vitaliano Aguirre II, ug kanhing mga hepe sa Philippine National Police.
Samtang, hugot nga gihimakak nila ni Aguirre ug Go ang ilang kalambigitan sa kampanya batok sa droga sa miaging administrasyon, samtang si Dela Rosa, kinsa giingong arkitekto sa “Oplan Tokhang,” wala na mosulod sa Senado sukad Nobyembre sa miaging tuig human gipahibalo ni Ombudsman Jesus Crispin Remulla nga adunay warrant of arrest nga gi-isyu batok kaniya.
