Misaka karong tuiga ang ihap sa mga binuhing kabaw (carabao) sa probinsya sa Bohol sumala pa sa report sa Philippine Carabao Center – Ubay Stock Farm (PCC-USF).
Sumala sa maong report kay adunay natalang 318% nga pagsaka sa maong ihap sa binuhing kabaw sa probinsya tungod na sab sa produksyon sa genetically improved calves for dairy sa nakalabayng duha ka tuig.
Sa saktong ihap, adunay sila 2,035 nga binuhing kabaw niadtong tuig 2022 nga misaka na ngadto sa ihap nga 6,480 sa nakalabayng tuig 2024.
Dugang nakatampo niini kay mao ang pagpasaka sa carabao production kay mao ang pagsaka sab sa farm mechanization diin naminusan ang pagsalig sa mga draft animals nga manguma sa paghulip na sa mga makinarya diin nakapalahutay sa kahimtang sa kinabuhi sa mga kabaw.
Nag-aghat kini sa PCC-USF sa pagpadayon sa promosyon sa carabao-based dairy farming isip komplementaryong panginabuhian alang sa mga mag-uuma.
Ang maogn carabao-dairy farming technioque kay dakong petensyal nga makahatag og dugang income para sa mga mag-uuma.
Samtang sa pikas bahin, sumala pa sa Office of the Provincial Veterinarian (OPV) livestock division nga ang ilang buhatan kay aktibong nagpatuman sa pagpamalit sa mga carabao milk nga nakatampo sa pagsaka sa produksyon niini nga produkto.
Bana-bana niini nga ang kagamhanan kay mupalit sa P70 matag litro sa carabao milk diin ang usa ka kabaw makatampo sa 6 ka litro sa gatas kada adlaw.
Gitanyag nga ang probinsya sa Bohol ang pinakadakong buyer sa carabao milk nga gigamit niini aron sa pagpatuman sa supplemental feeding ug pagsulbad sa problema sa malnutrisyon.
