LEBANON- Miabot na sa kapin 700 ka mga tawo sa Lebanon ang naitalang namatay sukad kaniadtong Lunes.
Diin niadtong Huwebes, gibanabana nga kapin sa 200,000 ka mga residente usab ang nabakwit sa Lebanon sukad kaniadtong Oktubre 2023 sa dihang ang Hezbollah ug Israel nagsugod sa pagbinayloay sa mga pag-atake sa cross-border.
Ingon man nga daghan usab ang mga tawo nga mibakwit sa habagatang Lebanon paingon sa Beirut ug ubang bahin sa nasod ug sa silingang mga nasod.
Samtang, mipagawas og pamahayag ang buahatan ni Israeli Prime Minister Benjamin Netanyahu arun hatagan og katin-awan ang mga gitawag nga ‘misreporting’ kalaboyt sa pagsalikway sa inisyatiba sa US alang sa usa ka ceasefire sa Lebanon.
Matud niini nga ang Israel nag-ambit sa mga katuyoan sa inisyatibo sa US nga magtugot sa mga lungsuranon nga makabalik nga luwas sa ilang mga balay sa amihanang utlanan.
Dugang pa nga ipadayon sa ilang kampo ang pakig-estorya bahin sa panawagan sa ceasefire sa mosunod nga mga adlaw.
Ang buhatan sa PM sa Israel mihimo usab sa pagklaro human gisalikway sa mga politiko sa Israel ang sugyot sa ceasefire lakip na ang langyaw nga ministro nga si Israel Katz kinsa miingon nga walay ceasefire sa amihanang utlanan.
