Ihap sa mga namatay sa Lebanon tungod sa pag-atake sa Israel, milapas sa kapin 1,000

Milapas na sa 1,000 ang ihap sa mga namatay sa Lebanon sukad sa pag-atake sa Israel.

Matud sa Ministry of Health sa Lebanon nga ang kinatibuk-ang ihap sa mga namatay kay mikabat sa 1,094.

Diin gawas niini, adunay 3,119 ang natalang nasamdan sukad gisugdan sa Israel ang opensiba niini niadtong Marso 2.

Wala pa kini maglakip sa dugang nga 22 ka tawo nga namatay ug 153 ang nasamdan.

Gitarget sa Israel ang mga kuta sa daghang mga militanteng grupo nga kaalyado sa Iran.