Gihandom karong adlawa, Septyembre 21 ang ika-54 nga anibersaryo sa deklarasyon sa diktador nga si Ferdinand Marcos sa martial law—usa ka panahon nga ang kadaghanang mga Pilipino isip usa sa labing ngitngit nga mga yugto sa kasaysayan sa nasod.
Diin mokabat sa 107,200 ka mga tawo nga direktang nabiktima sa paglapas sa tawhanong katungod; 70,000 ka tawo ang gidakop—kadaghanan niini walay igong basehan ug walay warrant of arrest; 34,000 ka tawo ang gipaubos sa torture; ug 3,240 ka uban pa ang gipatay sa militar ug kapulisan, sumala sa Amnesty International.
Subay niini, gipahugtan sa mga kapulisan ang ilang segurodad ug pagbutang og mga barikada sa mga protest site aron masiguro ang malinawon ug hapsay nga mga kalihokan nga himuon sa mga organisasyon, simbahan, estudyante, ug mga grupo nga mag-protesta karong adlawa.
Pipila usab ka mga klase ang gikanselar sama sa Manila aron mapanalipdan ang mga estudyante ug kawani sa eskwelahan gikan sa posibleng mga risgo nga dala sa gipaabot nga grabeng trapiko, pagsira sa mga dalan, ug dagkong mga panagtapok sa nagkalain-laing bahin sa siyudad.
