Giplantsa na sa Philippine National Police (PNP) ang pundasyon alang sa umaabot nga ika-upat nga State of the Nation Address (SONA) ni Presidente Ferdinand R. Marcos Jr. karong Hulyo 28, 2025.//
Gani, nagpatawag og Command Conference sa Camp Crame si PNP Chief, Police General Nicolas Torre III, kauban ang PNP Command Group.
Kini naglakip sa National Capital Region Police Office (NCRPO) Director, Police Major General Anthony Aberin, District Directors sa NCRPO ingon man ang Directors for Operation, Investigation and Detection Management, Intelligence ug Police Community Relations.
Nunot niini, gitataw ni Torre nga gamay ra nga sakripisyo ang pagmata og sayo kon itandi sa pagsalig nga gihatag kanila sa katawhan.
Gihatagan pa og gibug-aton sa PNP Chief nga ang panaghiusa, pagkamabinantayon, ug paspas nga liderato kay importante aron masiguro ang hapsay ug malinawon nga pagpahigayon sa tinuig nga report sa Presidente.
Ang tinuig nga state of the nation address sa Presidente ihatag sa House of Representatives sa Batasang Pambansa Complex sa Quezon City.
