CEBU CITY-Nitahan sa kapolisan sa Mabolo Police Station ang ikatulong suspek sa pagpanulis sa coffee shop sa Barangay Lahug, dakbayan sa Sugbo.
Si Lagahit nakita sa kuha sa closed circuit television (CCTV) nga mitulis sa usa ka coffee shop sa may Salinas Drive sa Barangay Lahug, dakbayan sa Sugbo niadtong Oktubre 30, 2023.
Gibuhat niya ang krimen uban nila ni Cyrus John Rallos ug Arvin Benedict Malolot, kinsa nikuha sa cellphone. ug bag sa usa ka kustomer nga lalaki.
Sila si Malolot ug Rallos una nang nasikop sa kapolisan.
Subay niini, gibutyag ni Police Lieutenant Colonel Janette Rafter, Deputy Director for Operations sa Cebu City Police Office (CCPO), nga base sa pamahayag ni Lagahit, ang mga tulisan miadto sa Colon human gitulis ang coffee shop sa Barangay Lahug ug gibaligya ang cellphone nga ilang nasakmit gikan sa kustomer nga lalaki.
Human mabaligya ang telepono, miadto sila sa balay ni Rallos sa Barangay Kamputhaw ug migamit og ilegal nga drugas.
Dugang pa, nga ang Cebu City Police Office mopasaka ug kaso sa tulo ka mga suspek sa umaabot nga Lunes.
