Midugang og laing highlight finish ang UFC featherweight world champion nga si Ilia Topuria sa iyang resume human sa third-round knockout batok kang Max Holloway sa main event sa UFC 308 nga gipahigayon sa Etihad Arena sa Abu Dhabi.
Si Topuria, nga wala’y pilde isip mixed martial artist nga adunay perfect record nga 16-0, nangahas sa kanhi world champion nga si Holloway nga makig-away sa sulod sa hawla sa sayong bahin sa five-round nga sangka.
Samtang, si Holloway daw adunay laing mga plano apan bisan pa niana kay sila nakigbahin sa usa ka barnburner nga nakakita kanila sa paglabay ug pag-igo sa ulo ug lawas.
Ang walay hunong nga kaagresibo ug walay kataposang cardio ni Topuria maoy mipuli sa ikatulong hugna, diin iyang natugpa ang usa ka wala nga kaw-it nga mipadala kang Holloway sa canvas.
Sa kahinam nga mahimong unang fighter nga mipahunong sa Holloway, si Topuria daling misunod og dugang mga pauwan sa iyang kumo sa ulo nga maoy nakaaghat sa referee sa pagpahunong sa sangka.
