CEBU – Nalingaw ang netizens sa video nilang Miguel Tanfelix ug Ysabel Ortega nga nagpakaon sa saag nga iro.
Gumikan niini, gipangshare kini sa kadaghanan gikan sa Tiktok account nga YsaGuel.
Makita sa video, nga anaa sa usa ka parkinganan sa usa ka mall ang duha diin giduol kini sa iro samtang si Miguel mikuha og pagkaon sulod sa sakyanan, ug gihatag ni Ysabel ang pagkaon sa iro.
Naka-ani og pagdayeg ang gibuhat sa duha ilabi na sa mga pet lovers.
Mikabat sa na liboan ka mga likes ang maong video.
Adunay usab usa ka post sa Tiktok nga giulohan og Miguel Tanfelix Introducing his Queen diin gipakita sa maong post si Ysabel.
Nagkauban ang duha sa taping sa Voltes V: Legacy ug kanunayng magkauban.
Apan matod sa inahan ni Ysabel nga si Michelle Ortega-Pimentel, pursigido ang Kapuso young actor sa pagpangulitawo sa iyang anak.
Posibleng anaa na sa dating stage o MU ang duha apan dili pa opisyal ang ilang relasyon isip manag-uyab.
Bisan paman dili pa uyon ang inahan sa maong butang nakadayeg man hinuon kini kang Miguel tungod sa maayo niini nga taras.
