CEBU – Mokabat sa 38.2 percent ang gisaka sa revenue sa Probinsiya sa Sugbo gikan sa buwan sa Enero ngadto na sa buwan sa Marso.
Sa datos sa Provincial Treasurer’s Office, gikan sa P333.8 million sa maong mga buwan sa nakalabay’ng tuig nisaka sa P461.2 million ang revenue karon nga tuig.
Lakip sa taas nga tax collection sa probinsiya ang gikan sa real properties. Gikan sa P49.5 million nga buhis niadtong unang quarter sa nakalabay’ng tuig nisaka ang real property taxes karon nga tuig sa P112 million sa susama nga quarter.
Gawas sa mga real property tax, lakip usab sa gikuhaan ug revenue sa probinsiya ang amusement taxes ug uban pa.
Kahinumduman nga nag una ang Probinsiya sa Sugbo nga labing adunahan nga probinsiya sa tibuok Pilipinas diin basi sa datos sa Commission on Audit sa Annual Financial Report niini sa LGU sa tuig 2019, nikabat sa P203.9 billion ang kinatibuk-an nga asset sa lalawigan.
