CEBU – Hangyu-on ni Cebu City Vice Mayor Raymund Garcia si Mayor Michael Rama nga maghimo ug interbensyon sa gikatakdang demolisyon sa Lot 937 sa Sitio San Miguel, Barangay Apas, dakbayan sa Sugbo.
Matud pa sa bise mayor nga gatusan ka mga residente ang maapektohan niini nga sagad mga retired ug aktibo nga sundalo diin anaa sa 40 ngadto sa 50 katuig na nga nagpuyo sa maong lugar.
Sigon ni Garcia nga dili pa mahimo nga ipahigayon ang demolisyon gumikan kay wala pa’y relocation site nga kabalhinan sa mga maapektohan.
Gibarugan sa mga residente sa naasoy nga lote nga gidonar sa Cebu Province ang maong luna sa Central Command ug dugay na kini nila nga nabayaran.
Apan gikahibulong nila ang pag-titulo sa maong yuta sa usa ka pribado nga indibidwal diin karun ‘pending’ pa ang kaso hinungdan nga dili pa unta sila angayan nga papahawa-on hangtud nga aduna na’y hukom ang korte.
