Gisuspinde sa Iran ang tanang diplomatiko ug dili direkta nga mga agianan sa komunikasyon sa Estados Unidos, pipila ka oras sa wala pa ang gitakdang panahon ni U.S. President Donald Trump alang sa Tehran nga ablihan pag-usab ang Strait of Hormuz.
Sumala sa Iranian media outlet nga Tehran Times, gisirad-an sa Iran ang tanang linya sa komunikasyon, lakip ang mga pagbayloay og mensahe sa Amerika.
Kini nunot sa hulga ni Trump nga usa ka tibuok sibilisasyon ang mamatay.
Kini nagpakita sa nagkagrabe nga relasyon sa US-Iran, labi na taliwala sa nagkagrabe nga tensyon sa Strait of Hormuz, usa ka hinungdanon nga agianan alang sa ikalima nga bahin sa lana sa kalibutan.
Gidugang ni Trump nga ang 47 ka tuig sa iyang gitawag nga “extortion, corruption and death” matapos.
Human sa hulga ni Trump, ang Islamic Revolutionary Guard Corps (IRGC) sa Iran nagpagawas og pahayag nga nag-ingon nga ang “good neighborliness and self-restraint,” natapos na, ug nga ang US ug ang mga kaalyado niini sa rehiyon mahimong mawad-an og access sa lana ug gas “sulod sa mga katuigan.”
“We will deal with the infrastructure of the United States and its partners in the Persian Gulf in such a way that they will be deprived of the region’s oil and gas for years,” matod sa IRGC.
Ang pasidaan misunod sa gitaho nga mga airstrike sa Estados Unidos ug Israel sa Kharg Island, usa ka mayor nga terminal sa pag-export sa lana sa Iran sa Persian Gulf, sumala sa Mehr News Agency nga nalambigit sa estado.
Ang pag-atake gikataho nga nag-target sa estasyon sa radar sa isla, mga pasilidad sa pantalan, ug uban pang mga instalasyon sa militar.
