Gipatay sa US military ang senior leader sa ISIS nga si Dhiya’ Zawba Muslih al-Hardani sa usa ka raid sa Al Bab, Syria kaniadtong Biyernes, Hulyo 25.
Duha sa iyang mga anak nga kauban sa ISIS nga sila si Abdallah Dhiya al-Hardani ug Abd al-Rahman Dhiya Zawba al-Hardani ang napatay usab sa operasyon.
Sumala sa mga pwersa sa US Central Command (Centcom), ang mga miyembro ug mga lider sa ISIS kay hulga sa US ug Coalition Forces ingon man sa bag-ong gobyerno sa Syria.
Giklaro sa militar sa US nga ang tulo ka babaye ug tulo ka mga bata nga gitarget ang wala nasamdan sa operasyon.
Gani nipahibawo si US Centcom Gen. Michael Erik Kurilla nga padayon nilang gukdon ang mga teroristang ISIS bisan asa sila magtago.
Ang pag-atake gihimo pipila lang ka semana pagkahuman giingon sa administrasyon ni US President Donald Trump nga gibakwi ang ngalan sa Hay’at Tahrir al-Sham (HTS) nga ingon usa ka langyaw nga teroristang organisasyon diin ang grupo gipangulohan sa interim president sa Syria.
Ang raid nahitabo usab human si Trump mipirma sa usa ka executive order nga opisyal nga nagtapos sa mga silot sa US ngadto sa Syria.
