Mipahibalo ang Punong Ministro sa Israel nga si Benjamin Netanyahu nga giaprobahan sa Israel ang unang hugna sa kasabutan sa Gaza nga maghatag ug dalan alang sa usa ka ceasefire ug ang lugway sa mga hostage.
Moepekto ang ceasefire sa higayon nga maaprobahan na sa kabinete sa Israel.
Ubos sa kasabutan, ang militar sa Israel adunay 24 ka oras aron ipartially withdraw ang mga tropa niini gikan sa Gaza.
Kini pagasundan sa pagpagawas sa tanang nahibiling mga binilanggo sa Israel sa Hamas sulod sa 72 ka oras samtang ang Israel mopagawas sa gatusan ka mga binilanggo nga Palestinian.
Human nga ang kasabutan mahimong epektibo, ang mga aid-truck tugotan nga magdala og tabang sa duha ka milyon nga mga taga-Gaza nga nawad-an og puy-anan tungod sa gubat.
Samtang, ipadala usab sa Estados Unidos ang mga 200 ka tropa niini ngadto sa Middle East aron mamonitor ang pagpatuman sa ceasefire deal kauban ang mga tropa gikan sa Egypt, Qatar, Turkey ug United Arab Emirates.
Wala’y tropa sa Estados Unidos nga moadto sa Gaza apan magtukod sila usa ka sentro sa koordinasyon sa Israel aron suportahan ang stabilization effort.
